tsz hin 的个人资料不是我,還會是誰照片日志列表更多  |  工具 帮助 |
|
6月30日 京澳青年藝術作品展6月28日 澳門藝術博物館08年版畫學員作品展開幕!6月26日 新電腦昨天終於買了一部新的電腦!之前那部機都用了幾好多年.近年佢經常出現開唔到機的情況...所以都係時候要轉一轉了!在考慮買機時我同老婆都諗左好耐究竟買咩機好,因為買砌機,入面D料可以隨個人要求和喜好,而買原廠機,原廠幫你SET好哂,就唔使諗咁多...考慮到我們用機都只係上下網,做下文件同間唔中打下機,仲要唔係打D新GAME....所以都係決定買廠機.我地最後買了一部LENOVO的原廠機.由於內置原廠VISTER...所以而家正在適應緊新程式...
嘩.真係唔講唔知,原來我真係好OUT!到而家先用LCD MON...十九吋的看上去好似咩都好大咁....望住個MON感覺自己真係大鄉里...  6月19日 另一個世界最近又油好了兩隊兵.令我的巴特尼亞軍又增添了兩隊已完成的部隊.自從我進入小比例模型的世界以來.作品一直都得到不少朋友的稱讚及認同.但當然我至今仍只是一個新手.對模型世界所知的並不多.唯一的優點可能就是因為我有美術的基礎,所以開始得比較好.但是,模型的世界又豈是這麼簡單? 基本的"砌"好一隻模型並令其完美,這種事前功夫已是一門高深的技術,更不要說之後的上色,改造,整情景,翻製,甚至自已"造"一隻模型出來了...所以,只要你接觸過一次小比例模型的世界,你就會被她深深的吸引而不能自拔!但,大家在進入這"另一個世界"之前,必先要有強大的勇氣,不怕長期艱苦作戰,肯努力不斷提升自己技術這幾個先決條件,更重要的,就是要有不斷奉獻出金錢的覺悟...如是者.我們才可以繼續將這個"世界"不斷的"創造"下去.
6月15日 父親節快樂!今年係小弟第一年做父親,過父親節,雖然收不到思鳴親手送我的禮物.但在這個父親節,可以抱著思鳴仔,而經心滿意足了.隨住思鳴仔一日一日的長大,我相信,我每年的父親節,都會有更多不同的驚喜!哈哈! 6月9日 終於完成了第一隻金屬模型我的第一隻金屬模型,GW出品的巴特尼亞旗手.呢隻野都買左一段日子.最近終於的起心肝去油好佢.顏料方面,我用了GW的專用油,日本田宮模型油及老薀丙烯來油.昨晚終於算係完成,現在只差在底座上沙粒及草粉就正式完成了!給大家看看完成圖!
|
|
|
